పినపాక మండలంలోని నాణ్యతలేని సిసి రోడ్లపై ఫిర్యాదు చేసిన జాతీయ ఆదివాసి గిరిజన అభ్యుదయ సంఘం

నమస్తే భారత్: పినపాక: పినపాక మండలంలో వివిధ గ్రామపంచాయతీలలో 2025 సంవత్సరంలో సిసి రోడ్లు సంబంధిత కాంట్రాక్టర్లు పోసినారు. :నెల రోజులకే బీటలు పడి పగిలిపోయినాయని పినపాక మండల జాతీయ గిరిజన అభ్యుదయ సంఘం మండల అధ్యక్షుడు కొమరం శ్రీనివాస్ అన్నారు. రోడ్లు పోసి నాలుగు నెలలు గడుస్తున్నా సిసి రోడ్లకు ఇరువైపులా గ్రావెల్ పోయలేదని, నాసిరకంగా పోసినటువంటి సిసి రోడ్లకు బిల్లులు నిలుపుదల చేయాలని స్థానిక ఎంపీడీవో కి వినతి పత్రం అందించారు. ఈ విషయంపై ఉన్నతాధికారులకు ఫిర్యాదు చేస్తామని తెలిపారు. నాణ్యతలేని సిసి రోడ్లు పోసి ప్రజాదానం దుర్వినియోగం చేసిన కాంట్రాక్టర్లపై చట్టపరమైన తగు చర్యలు తీసుకోవాలని జాతీయ ఆదివాసి గిరిజన అభ్యుదయ సంఘం, ఆదివాసి సేన డిమాండ్ చేసింది. ఈ కార్యక్రమంలో జాతీయ ఆదివాసి గిరిజన అభ్యుదయ సంఘం భద్రాద్రి జిల్లా ప్రధాన కార్యదర్శి గొగ్గల ఆర్కే దొర, ప్రధాన కార్యదర్శి కుర్సం సారయ్య, ఆదివాసి సేన పినపాక మండల అధ్యక్షులు సోలం వినయ్ కుమార్ తదితరులు పాల్గొన్నారు.