ఇస్లాం దైవభక్తికి సూచిక రంజాన్ ఇఫ్తార్ విందు 

నమస్తే భారత్,షాద్ నగర్  :   ముస్లింలు ప్రతి యేటా అత్యంత భక్తిశ్రద్ధలతో  నెలరోజుల పాటు జరుపుకునే రంజాన్ పర్వ మాసంలో ఏర్పాటు చేసే ఇఫ్తార్ విందులు ఇస్లాం దైవభక్తికి నిదర్శనమని బీఆర్ఎస్ యువ నాయకుడు వై. రవీందర్ యాదవ్ అన్నారు. ఆదివారం సాయంత్రం ఫరూఖ్ నగర్ ఖాజిపుర మజీద్ వద్ద మున్సిపాలిటీ బీఆర్ఎస్ 15 వ వార్డు ప్రెసిడెంట్ సాదిక్ ఆధ్వర్యంలో ఏర్పాటుచేసిన ఇఫ్తార్ విందులో మాజీ మున్సిపల్ చైర్మన్ నరేందర్, వైస్ చైర్మన్ నటరాజ్, మున్సిపాలిటీ బీఆర్ఎస్ నాయకులతో కలిసి ఆయన పాల్గొన్న అనంతరం మాట్లాడారు. తెలంగాణ గడ్డ భిన్న సంస్కృతులకు పుట్టినిల్లని, అన్ని వర్గాల ప్రజలు  సుఖశాంతులతో ఈ ప్రాంతంలో జీవనం సాగిస్తుంటారని అభిప్రాయపడ్డారు. కులాలకు, మతాలకు అతీతంగా పర్వదినాలను జరుపుకోవడం ఇక్కడ ప్రజల సంస్కృతి అని, ఇప్తార్ విందు ల్లో పాల్గొనడం సంతోషకరమని అభిప్రాయపడ్డారు. సాదిక్ ఇప్తార్ ఏర్పాటు చేయడం అభినందనీయమని కొనియాడారు. ఈ కార్యక్రమంలో మాజీ మున్సిపల్ చైర్మన్ నరేందర్, వైస్ చైర్మన్ నటరాజ్, మాజీ కౌన్సిలర్లు కానుగు ఆనంతయ్య, యుగంధర్, బచ్చలి నరసింహా, నాయకులు చీపిరి రవి యాదవ్, చెట్ల నరసింహా, మోబిన్ ఘోరీ, గౌస్ జానీ, మహమ్మద్ ఎజాజ్ (అడ్డు), చిన్న యాదగిరి, భిక్షపతి, నవీన్ పులిజాల, పవన్ సింగ్, బిలాల్, ఆష్రఫ్, యూసుఫ్, పర్వేజ్, చెర్క శివ, మంగ శ్రీశైలం, అజహార్, మధు, పాండు, రాజశేఖర్, మల్లేష్, వినోద్, రియాజ్ తదితరులు, ముస్లిం సోదరులు పాల్గొన్నారు.