పత్రికలు నిష్పక్షపాతంగా ఉండాలి సామాజిక వేత్త డా.కొమ్ము వెంకన్న బాబు

నమస్తే భారత్,షాద్‌నగర్,: దినపత్రికలు, న్యూస్ ఛానళ్లు నిష్పక్షపాతంగా వ్యవహరించి, వాస్తవాలను నిర్భయంగా వెలుగులోకి తేవడంలో ఒక లెజెండ్‌గా నిలవాలని ప్రముఖ సామాజికవేత్త డాక్టర్ కొమ్ము వెంకన్న బాబు అన్నారు.ఆదివారం షాద్‌నగర్ మున్సిపల్ పరిధిలోని శ్రీ సాయి బాలాజీ వెంచర్ లో తెలంగాణ లెజెండ్ తెలుగు దినపత్రిక & న్యూస్ ఛానల్ కార్యాలయం ప్రారంభోత్సవం ఘనంగా జరిగింది. ఈ కార్యక్రమానికి డా. వెంకన్న బాబు విశిష్ట అతిథిగా హాజరై మాట్లాడారు.ఈ సందర్భంగా, నూతన పత్రికా కార్యాలయాన్ని ప్రారంభించిన ఆయన, పత్రికా సంపాదకుడు మల్దే శ్రీశైలం, నెట్‌వర్క్ ఇన్‌చార్జ్ నవీన్ కుమార్ లను అభినందించి, వారికి శుభాకాంక్షలు తెలియజేశారు.ఈ కార్యక్రమంలో బిజెపి రాష్ట్ర నాయకులు అందె బాబయ్య, జడ్చర్ల టీఆర్‌ఎస్ యువనాయకుడు అభిమన్యు రెడ్డి, సీనియర్ జర్నలిస్ట్ పాశం యాదగిరి, రాజాపూర్ జర్నలిస్ట్ సంఘ నాయకుడు మల్దే మహేష్, ఎల్ హెచ్ పి ఎస్ నాయకుడు శీను నాయక్, లక్ష్మణ్ నాయక్ తదితరులు పాల్గొన్నారు.