చేనేత కార్మికులను రాష్ట్ర ప్రభుత్వం ఆదుకోవాలి

నమస్తే భారత్ :- మరిపెడ  చేనేత కార్మికులను ఆదుకోని వారికి ఆర్థిక సాయం అందించాలని సిపిఐ(ఎం) జిల్లా కార్యదర్శి వర్గ సభ్యులు అలవాల వీరయ్య ప్రభుత్వాన్ని డిమాండ్ చేశారు. మంగళవారం మరిపెడ మండలంలోని అబ్బాయి పాలెం గ్రామంలో దుస్స బాబు తయారు చేస్తున్న నేత బట్టలను, చేనేత మగ్గాన్ని ఆయన పరిశీలించారు.అనంతరం వీరయ్య మాట్లాడుతూ చేతివృత్తులు పడిపోవడంతో చేనేత కార్మికులు జీవన ఉపాధి కోల్పోయి, సూరతు, భీమండి ప్రాంతాలకు వలసలు వెళుతున్నారని తెలిపారు. మండలంలోని గుండెపుడి, అబ్బాయిపాలెం, బావోజి గూడెం, తదితర ప్రాంతాలలో ఉన్నారని వివరించారు. కులవృత్తిని కోల్పోయిన వారికి ప్రత్యామ్నాయ మార్గాన్ని ప్రభుత్వాలు చూపించాలని ఆయన ప్రభుత్వాన్ని కోరారు. అర్హత కలిగిన చేనేత కార్మికులందరికీ వ్యక్తిగత రుణాలు మంజూరు చేయాలని, వయోపరిమితి చెందిన వారికి వృధా పెన్షన్స్ అందించాలన్నారు. మగ్గాలున్న రాజీవ్ యువ వికాస పథకంలో వర్తింపచేయాలన్నారు. ఈ కార్యక్రమంలో మండల కార్యదర్శి గుండ గాని మధుసూదన్, బాణాల రాజన్న,అబ్బాయి పాలెం శాఖ కార్యదర్శి కొండ ఉప్పలయ్య, నాయకులు జిన్నా లచ్చయ్య, నందిపాటి వెంకన్న, తాడూరి వీరింకులు, ఎర్ర వెంకన్న, తదితరులు పాల్గొన్నారు