సన్నబియ్యం పథకం ని ప్రారంభించిన ఎమ్మెల్యే డా. చిట్టెం పర్ణికారెడ్డి

 నమస్తే భారత్  / నారాయణపేట్ జిల్లా : ప్రభుత్వం ప్రతిష్టాత్మకంగా చేపట్టిన సన్నబియ్యం పథకం వల్ల ప్రజలకు మేలు జరుగు తుందని ఎమ్మెల్యే డా. చిట్టెం పర్ణికారెడ్డి అన్నారు. మంగళవారం సన్న బియ్యం పంపిణీ కార్యక్రమాన్ని ప్రారంభించిన అనంతరం ఎమ్మెల్యే  మాట్లాడుతూ ఈ పథకం నిరుపేదలకు ఒక వరమ్మన్నారు.ఏ ప్రభుత్వాలున్నా ఈ సన్న బియ్యం పథకాన్ని రద్దు చేయలేరు. నియోజక వర్గంలో నారాయణపేట, ధన్వాడ, మరికల్, దామరిగిద్ద,ప్రజలకు ఆరు కిలోల చొప్పున సన్నబియ్యం అందించనున్నట్లు తెలిపారు.ఇది చరిత్రలో శాశ్వతంగా నిలిచిపోయే పథకం. పేదవారి గుండెల్లో శాశ్వతంగా నిలిచిపోవాలన్న సంకల్పంతో ఈ పథకాన్ని ప్రారంభించాం. పేదలు దొడ్డు బియ్యం తినలేరు.పీడీఎస్ బియ్యాన్ని మిల్లర్లు, దళారులు సైక్లింగ్ చేస్తున్నారు. ఈ నేపథ్యంలోనే ప్రతి పేదవారి ఇంట ప్రతిరోజూ పండుగ జరగాలన్న ఆలోచనతో, పేద వారి కడుపు నింపాలన్న లక్ష్యంతో సన్నబియ్యం పంపిణీ ప్రారంభించాం.ఈ పథకాన్ని అమలు చేసి పౌర సరఫరాల శాఖ ద్వారా పకడ్బందీగా అమలు చేసి పేదవారికి అండగా ఉంటాం.ఈ కార్యక్రమంలో  అదనపు కలెక్టర్ లోకల్ బాడీ సంచిత్ గంగవార్,రెవిన్యూ, పౌరసరఫరాల అధికారి  అధికారులు,ప్రజా ప్రతినిధులు,తదితరులు పాల్గొన్నారు.