లేబర్ కార్డులను రెన్యువల్ చేసుకోవాలి

నమస్తే భారత్ :-మరిపెడ లేబర్ కార్డులు ఉన్న కార్మికులు ఐదు సంవత్సరాల కాలపరిమితి అయిపోతున్న సందర్భంగా వారం రోజుల ముందు ప్రతి కార్మికుడు రెన్యువల్స్  చేయించుకోవాలని తెలంగాణ బిల్డింగ్ అదర్ కన్స్ట్రక్షన్ వర్కర్స్ ఫెడరేషన్ (సిఐటియు) జిల్లా అధ్యక్షులు కొండ ఉప్పలయ్య పిలుపునిచ్చారు. మరిపెడ పట్టణ కేంద్రంలోని స్థానిక ప్రజాసంఘాల కార్యాలయంలో భవన నిర్మాణ కార్మికుల సమావేశం  కామెండ్ల వెంకన్న అధ్యక్షతన జరిగింది. ఈ సమావేశానికి ముఖ్యఅతిథిగా హాజరైన ఉప్పలయ్య మాట్లాడుతూ రాష్ట్రంలో 25 లక్షల మంది బిల్డింగ్ కార్మికులు ఉన్నారని తెలిపారు. కార్డుల కాలపరిమితి అయిపోయిన 11 లక్షల కార్డులు రెన్యువల్స్ ఆగిపోయినట్లు  పేర్కొన్నారు. ప్రభుత్వం స్పందించి వెంటనే ఈ కార్డులన్నిటిని రెన్యువల్స్ చేయాలని ఆయన ప్రభుత్వాన్ని డిమాండ్ చేశారు. కార్మిక వెల్ఫేర్ బోర్డు ద్వారా వచ్చిన నిధులను కార్మికులకే ఖర్చు పెట్టాలని, కార్డులను రెన్యువల్  చేయకుండా ప్రభుత్వం మభ్యపెడుతుందని అట్టి నిధులను వేరే శాఖకు తరలించాలని కుట్ర చేస్తుందని ఆరోపించారు. ఇప్పటికైనా అధికారులు స్పందించి కార్మికుల కార్డులు అన్ని రెన్యువల్ చేసి ఆదుకోవాలని కోరారు. ఈ సమావేశంలో మండల నాయకులు  కామెండ్ల వెంకన్న, సూరబోయిన బిక్షం, సుంకరి వెంకన్న, బల్లెం ఉప్పలయ్య, పోలపాక వెంకన్న, జినక సైదులు, వాసు, నాగరాజు, నవిల వెంకన్న, తదితరులు పాల్గొన్నారు.