నమస్తే భారత్: మణుగూరు : మణుగూరు ఏరియా సింగరేణి బి సి ఉద్యోగుల సంక్షేమ సంఘం లైజన్ ఆఫీసర్‌గా నియమితులైన కొండాపురం గని ప్రాజెక్ట్ అధికారి పి వీరభద్ర రావు గారిని ఘనంగా సత్కరించిన ఏరియా సింగరేణి బీసీ ఉద్యోగులు. సింగరేణి కాలరీస్ మణుగూరు ఏరియా బీసీ ఉద్యోగుల సంఘం లైజన్ ఆఫీసర్ గా నియమితులైన కొండాపురం ప్రాజెక్ట్ అధికారి పెద్ద మల్ల వీరభద్రరావుని ఏరియా బీసీ ఉద్యోగులు పీవీ కాలనీ ఇల్లందు క్లబ్ లో పుష్పగుచ్చం ,శాలువాతో ఘనంగా సత్కరించి తమ అభిమానాన్ని చాటుకున్నారు. ఈ సందర్భంగా ఏర్పాటు చేసిన సన్మాన సభలో సింగరేణి బీసీ ఉద్యోగుల సంఘం మణుగూరు ఏరియా అధ్యక్షులు తాళ్లపల్లి లక్ష్మీపతి గౌడ్ ముఖ్య అతిథిగా పాల్గొని మాట్లాడారు. సింగరేణి వ్యాప్తంగా పదకొండు ఏరియా లలో లైజన్ ఆఫీసర్ ల నియామకం చేపట్టడం శుభసూచకం అని రాబోయే రోజులలో బీసీ ఉద్యోగులకు పదోన్నతులలో రోస్టర్ సైకిల్ ప్రకారం న్యాయము జరుగుతుందనీ ఆయన ఆశాభావం వ్యక్తం చేశారు. ఈ సందర్భంగా పలువురు ఏరియా బిసి సంఘం లైసన్ ఆఫీసర్ గా బాధ్యతలు చేపట్టిన వీరభద్రరావుకి శుభాకాంక్షలు తెలిపారు. సన్మాన గ్రహీత వీరభద్ర రావు మాట్లాడుతూ... బీసీ లు ఐక్యతగా ఉండి వారి సమస్యల పరిష్కారానికి తోటి బీసీ ఉద్యోగికి సహాయం చేయాలని అవసరమైనచో లైజన్ ఆఫీసర్ కి తెలియపరచి సమస్య పరిష్కారానికి కృషి చేయాలని ఆయన కోరారు. మణుగూరు ఏరియా బిసి ఉద్యోగుల సంక్షేమ సంఘం ఆధ్వర్యంలో మరిన్ని సామాజిక సేవా కార్యక్రమాలు నిర్వహించాలని సభలో ఏకగ్రీవంగా తీర్మానించారు. ఈ కార్యక్రమంలో మణుగూరు ఏరియా బీసీ సంఘం ఏరియా అధ్యక్షులు తాళ్లపల్లి లక్ష్మీపతి గౌడ్ , మణుగూరు ఓసి ప్రాజెక్ట్ ఆఫీసర్ బి శ్రీనివాస చారి ,పీకే ఓసి ప్రాజెక్టు మేనేజర్ కె సురేష్ కుమార్, ఏరియా సెక్యూరిటీ ఆఫీసర్ కట్ల శ్రీనివాసరావు,, బీసీ సంఘం నాయకులు కోడి కృష్ణమూర్తి, షేక్ అబ్దుల్ రవూఫ్, వల్లూరి వెంకటరత్నం, ఎండి షాబుద్దీన్, సాయిల సురేష్, సర్వర్ నబి,ఆవుల నాగరాజు, కృష్ణారావు, కోడిశ్రీనివాస్,నరేష్,వంశీ, సిస్టర్ పద్మావతి, ఎండి అమీనుద్దీన్, యాకుబ్ పాషా, బొడ్డు సంతోష్ చరణ్, రామకృష్ణ, శివకుమార్, జంపాల శ్రీనివాస్, జానకి ప్రసాద్,ఉపేందర్, ఇందూరి శంకర్, సేపూరి సుధాకర్, షేక్ మెహబూబ్ జానీ తదితరులు పాల్గొన్నారు.
