ఇదేం ఆట..! పెవిలియన్‌కు క్యూ కట్టిన సన్‌రైజర్స్‌ బ్యాటర్లు.. అసహనం వ్యక్తం చేసిన కావ్య మారన్‌..!

ఐపీఎల్‌లో భాగంగా ఆదివారం సొంత మైదానంలో గుజరాత్‌తో జరిగిన మ్యాచ్‌లో సన్‌రైజర్స్‌ హైదరాబాద్‌ ఓటమిపాలైంది. ఈ మ్యాచ్‌లోనూ బ్యాట్స్‌మెన్‌ మరోసారి విఫలమయ్యారు. ట్రావిస్‌ హెడ్‌, అభిషేక్‌ శర్మ, ఇసాన్‌ కిషన్‌ వరకు బ్యాట్స్‌మెన్‌ పరుగులు చేసేందుకు ఇబ్బందిపడ్డారు. ఈ సీజన్‌లో సన్‌ రైజర్స్‌కు ఇది వరుసగా నాలుగో ఓటమి. గతేడాది జట్టు అద్భుతంగా ఆడి ప్రశంసలు అందుకున్నది. ఈ సారి మాత్రం అందుకు భిన్నంగా ఆడుతుండడం చూసి విస్మయం వ్యక్తం చేస్తున్నారు. జట్టు ఎప్పుడు ఎలా ఆడుతుందో టీమ్‌ ఓనర్‌ కావ్య మారన్‌కు సైతం అంతపట్టడం లేదు. కావ్యకు సంబంధించిన వీడియో ఒకటి వైరల్‌గా మారింది. అభిషేక్‌ శర్మ వికెట్‌ని కోల్పోయిన సమయంలో చిరాకుపడడం కనిపించింది. టోర్నీకి ముందు అందరూ సన్‌రైజర్స్‌ జట్టును బలమైన జట్టుగా పేర్కొన్నారు. ఈ సీజన్‌లో కేవలం తొలి మ్యాచ్‌లో మాత్రం సన్‌రైజర్స్‌ ఆకట్టుకున్నది. ప్రస్తుతం బ్యాట్స్‌మెన్‌ ఎవరూ ఫామ్‌లో ఉన్నట్లుగా కనిపించడం లేదు. ఆదివారం గుజరాత్‌తో జరిగిన మ్యాచ్‌లో హెడ్ (8), ఇషాన్ కిషన్ (17 పరుగులు), అభిషేక్ శర్మ (18), అనికేత్ వర్మ (18), కమిందు మెండిస్ (1) అవుట్‌ అయ్యాడు. కేవలం నితీశ్‌రెడ్డి మాత్రమే 31 పరుగులు చేయగలిగాడు. హెన్రిచ్ క్లాసెన్ (27), కెప్టెన్ పాట్ కమిన్స్ తొమ్మిది బంతుల్లో 22 పరుగులు చేశాడు