భజరంగ్ జయంతి.. శోభాయమానంగా మరీనా కైసర్ నగర్.!

భక్తి పారవశ్యంతో వెలిగిన కైసర్ నగర్ ప్రాంతం

అంజన్నకు ప్రత్యేక పూజలు చేసిన మద్దెల సాయి బాబా

అన్నప్రసాద కార్యక్రమం నిర్వహించిన దేవాలయ కమిటీ సభ్యులు

కుత్బుల్లాపూర్ : జై హనుమాన్ జై భజరంగ్ నినాదాలతో గాజులరామరం గ్రామంలోని కైసర్ నగర్ అభయ ఆంజనేయ స్వామి ఆలయ ప్రాంగణం మారుమోగింది. హనుమాన్ జయంతి పర్వదిన సందర్భంగా శనివారం ఉదయం నుండే ఆలయానికి చుట్టుపక్కల ప్రాంతాల నుండి భారీగా భక్తులు చేరుకోవడంతో ఆధ్యాత్మిక శోభ సంతరించుకుంది. పండితులు ఆంజనేయ స్వామికి అభిషేకం నిర్వహించి, రాకరకాల పండ్లు, పూలతో అలంకరించారు. ఆంజనేయ స్వామికి దేవాలయ ఛైర్మెన్ మద్దెల సాయిబాబా ప్రత్యేక పూజలు చేశారు.

అనంతరం అంజన్నను స్థానికులు దర్శించుకున్నారు. స్థానిక 125 డివిజన్ కార్పొరేటర్ రావుల శేషగిరి రావు ముఖ్యాతిధిగా పాల్గొని హనుమంతుడి ఆశీర్వాదం తీస్కున్నారు. దర్శనానికి వచ్చిన బస్తి పెద్దలకు, నాయకులకు, అతిధులకు కాషాయ కండువా కప్పి సత్కరించారు.

అనంతరం భక్తులకు ఏర్పాటు చేసిన అన్నప్రసాదన్నీ  దాదాపు 2000 మంది  స్వీకరించారు.

ఈ సందర్భంగా ఆలయ వ్యవస్థాపకుడు సాయి బాబా మాట్లాడుతూ., స్వచ్ఛమైన హృదయంతో ప్రతిరోజూ అంజన్నను పూజిస్తే జీవితం సకల మంగళం అవుతుందని అన్నారు. జై హనుమాన్ ఈ ఒక్క మాట అన్ని భయాలను తొలగిస్తుందని అందుకే ప్రతిఒక్కరు హనుమాన్ చాలీసా చదవాలని సూచించారు. ఆంజనేస్వామిని పూజించండతో జీవితంలో బాధలు, కష్టలు తొలగి సంతోషంగా జీవిస్తారని తెలిపారు. కలియుగంలో కష్టాలు తీర్చే దేవుడు భజరంగ్ భళని కొనియాడారు. ప్రజలందరూ సుఖసంతోషాలతో ఉండాలని దేవుడిని కోరామని స్పష్టం చేశారు. ఈ కార్యక్రమంలో కమలాకర్, కస్తూరి బాలరాజు, పర్స శ్రీనివాస్ యాదవ్, అజయ్ గుప్తా, చిన్న బాబు, శివ కుమార్, నరేష్, భాస్కర్, చంద్ర, రాజు యాదవ్, శ్రీశైలం, సురేష్, బాలకృష్ణ, వెంకటేశం, భాస్కర్ రావు, వెంకటేష్, జిత్తు, చంద్ పాషా, బాలకృష్ణ, గంగాధర్ తదితరులు పాల్గొన్నారు.