ఎస్ఎల్‌బీసీ ట‌న్నెల్‌లో మ‌రో మృత‌దేహం ల‌భ్యం..

ఎస్ఎల్‌బీసీ ట‌న్నెల్‌లో మ‌రో మృత‌దేహం ల‌భ్యం..

అచ్చంపేట, మార్చి 25 : దోమలపెంట ఎస్ఎల్‌బీసీ టన్నెల్ నందు 33వ రోజు మరో కార్మికుడి మృతదేహం ఆచూకీ లభ్యమైనది. టన్నెల్ నందు సహాయక చర్యలు కొనసాగిస్తున్న రెస్క్యూ సిబ్బందికి టిబిఎం మిషన్ కింద కన్వేయర్ బెల్టు డ్రమ్‌కు 40 మీటర్ల దూరంలో మృతదేహం ఆనవాళ్లు కనిపించాయి. టన్నెల్ నందు మినీ జెసిపి ద్వారా శిథిలాలు తొలగించడం, మట్టి బురదను బయటకు పంపడం సహాయక చర్యలు కొనసాగుతుండగా శిథిలాల కింద మృతదేహం ఆనవాళ్లు కనిపించాయి. అట్టి మృతదేహం పూర్తిగా కుళ్ళిపోయి ఉండడం, ఆ ప్రదేశం భరించలేని దుర్వాసన వస్తుండడంతో మిగిలిన ఆరుగురి మృతదేహాలు కూడా అదే ప్ర‌దేశంలో ఉండే అవకాశం ఉంటుందని అనుమానిస్తున్నారు.రెస్క్యూ బృందాలు దుర్వాసన వస్తుండడంతో స్ప్రే బాటిల్స్ తీసుకొని లోపలికి వెళ్లారు. మృతదేహాన్ని బయటకు తీయడానికి టిబిఎం మిషన్ పరికరాలు గ్యాస్ కట్టర్ ద్వారా తొలగించడం, మృతదేహం చుట్టూ భారీగా పేరుకుపోయిన శకలాలు, మట్టి బురద తొలగించడం లాంటి సహాయక చర్యలు వేగవంతం చేశారు. మృతదేహం బయటకు రావడానికి కొన్ని గంటల సమయం పడుతుందని అధికారులు పేర్కొంటున్నారు. గత ఫిబ్రవరి 22న టన్నెల్ నందు ప్రమాదం జరుగగా ఎనిమిది మంది కార్మికులు, ఇంజనీర్లు, మిషన్ ఆపరేటర్లు చిక్కుకొని జలసమాధి అయ్యారు. వారికోసం కేంద్ర రాష్ట్ర సంస్థలకు చెందిన అనేక విభాగాల రెస్క్యూ సిబ్బంది రాత్రింబవళ్లు మూడు షిఫ్టులుగా అన్వేషణ చేస్తున్నారు. సహాయక చర్యలకు అనేక అడ్డంకులు వస్తున్న వాటిని అధిగమిస్తూ మృతదేహాల వెలికితీతకు శాయశక్తుల శ్రమిస్తున్నారు.8 మందిలో 16వ రోజు గురుపత్ సింగ్ మృతదేహం లభ్యం కాగా బయటకు తీసి కుటుంబ సభ్యులకు అప్పగించారు. మిగిలిన ఏడుగురి కోసం అన్వేషణ కొనసాగుతుండగా ఈ రోజు రెండో కార్మికుడి మృతదేహం కనిపించింది. మిగిలిన ఆరుగురి మృతదేహాల ఆచూకీ కోసం సహాయక చర్యలు కొనసాగుతున్నాయి. మృతదేహం పూర్తిగా కుళ్ళిపోయి ఉండడంతో ఎవరిది అనేది తెలియ రాలేదు. మృతదేహం బయటకు తీసిన తర్వాత నిర్ధారణ చేసే అవకాశం ఉన్నది. ఈరోజు మధ్యాహ్నం వరకు మృతదేహం బయటకు తీసుకు రానున్నారు. బయటకు తెచ్చిన తర్వాత పోస్టుమార్టం అనంతరం కుటుంబ సభ్యులకు అప్పగించనున్నారు. ప్రత్యేక అంబులెన్సు ఏర్పాటు చేసి వారి స్వస్థలానికి డెడ్ బాడీని తరలించనున్నారు.

Views: 0

About The Author

NAMASTHEBHARAT Picture

Vande Bharat Network – Print & Electronic Media

(Publishers of "Namasthe Bharat" & "Nyaya Mithra News")

Vande Bharat Network is a dynamic and responsible media organization dedicated to upholding truth, justice, and public awareness. Through its esteemed publications—"Namasthe Bharat" and "Nyaya Mithra News"—the network provides comprehensive coverage of current affairs, politics, governance, public policies, and socio-economic issues at the state, national, and international levels

Tags:
Error on ReusableComponentWidget

Latest News

పదోన్నతులు పోలీస్ లకు మరింత బాధ్యతను పెంచుతాయి, జీవన శైలిని మార్చే విధంగా ఉత్సాహాన్ని కలిగిస్తాయి పదోన్నతులు పోలీస్ లకు మరింత బాధ్యతను పెంచుతాయి, జీవన శైలిని మార్చే విధంగా ఉత్సాహాన్ని కలిగిస్తాయి
సిద్దిపేట నమస్తే భారత్ : కానిస్టేబుల్ నుండి హెడ్ కానిస్టేబుల్ గా ప్రమోషన్ పొందిన ఇద్దరూ  1 బి దుద్యా నాయక్, పోలీస్ స్టేషన్ హుస్నాబాద్ 2...
నిజామాబాద్ కు ఎంపీ అరవింద్ చేసిందేమిటో చెప్పాలి
సామాజిక రుగ్మతలను పారదోలేందుకు పూలే కృషి
ఆన్లైన్ స్లాట్ బుకింగ్స్ విధానం రద్దు చేయాలి
ధాన్యం కొనుగోలు కేంద్రాలను వినియోగించుకోవాలి
జగిత్యాలలో ఏసీబీ దాడులు
అవ‌కాశాల కోసం చెప్పులు అరిగేలా తిరిగిన డీజే టిల్లు తండ్రి .. ఆయ‌న అన్ని ఇబ్బందులు ప‌డ్డారా..!