శివ డిజిటల్ కార్యాలయాన్ని ప్రారంభించిన కొలన్ హన్మంత్ రెడ్డి
బాచుపల్లిలో ఘనంగా ప్రారంభోత్సవ కార్యక్రమం
యువత స్వయం ఉపాధి దిశగా అడుగులు వేయడం అభినందనీయం
స్థానిక ప్రజలకు నాణ్యమైన డిజిటల్ సేవలు అందించాలని ఆకాంక్ష
కాంగ్రెస్ నాయకుల సమక్షంలో భూపాల్కు శుభాకాంక్షలు
బాచుపల్లి, జూన్ 21 (నమస్తే భారత్):
కుత్బుల్లాపూర్ నియోజకవర్గంలోని బాచుపల్లి పరిధి రాజీవ్ గాంధీ నగర్లో భూపాల్ నూతనంగా ఏర్పాటు చేసిన శివ డిజిటల్ కార్యాలయం ప్రారంభోత్సవ కార్యక్రమం ఆదివారం ఘనంగా జరిగింది. కార్యక్రమానికి ముఖ్య అతిథిగా హాజరైన కుత్బుల్లాపూర్ నియోజకవర్గ కాంగ్రెస్ పార్టీ ఇంచార్జి కొలన్ హన్మంత్ రెడ్డి రిబ్బన్ కట్ చేసి కార్యాలయాన్ని ప్రారంభించారు. ఈ సందర్భంగా ఆయన మాట్లాడుతూ యువత స్వయం ఉపాధి అవకాశాలను సృష్టించుకుంటూ వ్యాపార రంగంలో ముందుకు రావడం అభినందనీయమని అన్నారు. ఆధునిక సాంకేతిక సేవలను ప్రజలకు అందుబాటులోకి తీసుకురావడంలో ఇటువంటి డిజిటల్ కేంద్రాలు కీలక పాత్ర పోషిస్తాయని పేర్కొన్నారు. శివ డిజిటల్ స్థానిక ప్రజలకు నాణ్యమైన సేవలు అందిస్తూ విజయవంతంగా ముందుకు సాగాలని ఆకాంక్షించారు. ప్రజలకు అవసరమైన డిజిటల్ సేవలు స్థానికంగా అందుబాటులో ఉండటం వల్ల సమయం, వ్యయం ఆదా కావడంతో పాటు ప్రాంత అభివృద్ధికి కూడా దోహదపడుతుందని హన్మంత్ రెడ్డి తెలిపారు. యువ పారిశ్రామికవేత్తలను ప్రోత్సహించడం ద్వారా ఉపాధి అవకాశాలు పెరుగుతాయని ఆయన పేర్కొన్నారు.
ఈ కార్యక్రమంలో మాజీ వైస్ ఎంపీపీ కొలన్ కృష్ణారెడ్డి, నిజాంపేట్ సర్కిల్ అధ్యక్షుడు కొలన్ రాజశేఖర్ రెడ్డి, మాజీ కార్పొరేటర్ కొలన్ వీరేందర్ రెడ్డి, సీనియర్ కాంగ్రెస్ నాయకులు కొలన్ జీవన్ రెడ్డి, తాతిరెడ్డి, మౌలేశ్వర్ రావు, చిట్ల దివాకర్, ఏరోళ్ల విష్ణు, మద్ది నారాయణ రెడ్డి, కొలన్ బాల్ రెడ్డి, ఆలేటి శ్రీనివాస్, మహేష్, సంజీవ్ రెడ్డి, కొలన్ ప్రశాంత్ రెడ్డి, ఆదిరెడ్డి, జితేందర్, విష్ణువర్ధన్ తదితరులు పాల్గొని భూపాల్కు శుభాకాంక్షలు తెలిపారు.
