జీడిమెట్లలో వైభవంగా కట్ట మైసమ్మ–బంగారం మైసమ్మ విగ్రహ ప్రతిష్ఠ
-భక్తిశ్రద్ధలతో పాల్గొన్న మేడ్చల్ జిల్లా ఫిషరీస్ చైర్మన్ మన్నే రాజు
-అమ్మవారి ఆశీస్సులతో ప్రజలందరూ సుఖసంతోషాలతో ఉండాలని ఆకాంక్ష
-ఆలయాలు మన సంస్కృతి, సంప్రదాయాలకు ప్రతీకలని వ్యాఖ్య
-ఆధ్యాత్మిక కార్యక్రమాలు సమాజంలో ఐక్యతను పెంపొందిస్తాయన్న మన్నే రాజు
-గ్రామాభివృద్ధి, ప్రజల శ్రేయస్సు కోసం అమ్మవారిని ప్రార్థించిన నాయకులు
-పెద్ద సంఖ్యలో భక్తులు, కాంగ్రెస్ నాయకులు, స్థానిక ప్రముఖుల హాజరు
జీడిమెట్ల, జులై 11 ( నమస్తే భరత్ ); కుత్బుల్లాపూర్ నియోజకవర్గంలోని జీడిమెట్ల గ్రామంలో శ్రీ కట్ట మైసమ్మ–బంగారం మైసమ్మ దేవాలయ విగ్రహ ప్రతిష్ఠ మహోత్సవం ఆదివారం భక్తిశ్రద్ధల నడుమ వైభవంగా నిర్వహించారు. ఈ కార్యక్రమానికి మేడ్చల్ జిల్లా ఫిషరీస్ చైర్మన్ మన్నే రాజు ముఖ్య అతిథిగా హాజరై ప్రత్యేక పూజల్లో పాల్గొని అమ్మవారిని దర్శించుకున్నారు. ఈ సందర్భంగా ఆయన మాట్లాడుతూ, శ్రీ కట్ట మైసమ్మ, బంగారం మైసమ్మ అమ్మవారు గ్రామదేవతలుగా భక్తులను ఎల్లప్పుడూ కాపాడుతూ ప్రజలకు ఆయురారోగ్యాలు, ఐశ్వర్యం, సుఖసంతోషాలు ప్రసాదిస్తారని పేర్కొన్నారు. ఆలయాలు భారతీయ సంస్కృతి, సంప్రదాయాలకు ప్రతీకలని, ఇలాంటి ఆధ్యాత్మిక కార్యక్రమాలు సమాజంలో భక్తి భావాన్ని, ఐక్యతను మరింత బలోపేతం చేస్తాయని అన్నారు. అమ్మవారి కృపాకటాక్షాలతో ప్రతి కుటుంబం సుఖశాంతులతో జీవించాలని, గ్రామం అన్ని రంగాల్లో అభివృద్ధి చెంది సుభిక్షంగా ఉండాలని ఆకాంక్షించారు. ఈ మహోత్సవంలో సాయిబాబా నగర్ డివిజన్ కాంగ్రెస్ పార్టీ సీనియర్ నాయకుడు భాస్కర్ రెడ్డి, జీడిమెట్ల మత్స్యశాఖ అధ్యక్షుడు కృష్ణ ముదిరాజ్, వీరేశ్, మల్లేష్, లక్ష్మణ్, రామకృష్ణ, గణేష్ రాజు, నాగేష్, బాల మల్లేష్, కుమార్ తదితరులు పాల్గొన్నారు. పెద్ద సంఖ్యలో భక్తులు హాజరై అమ్మవారిని దర్శించుకుని ప్రత్యేక పూజలు నిర్వహించారు. కార్యక్రమం ఆధ్యాత్మిక వాతావరణంలో భక్తి పారవశ్యంతో సాగింది.
