*సిద్ధాపూర్ లో డంపింగ్ యార్డు ఏర్పాటుకు రాష్ట్ర ప్రభుత్వం జారీ చేసిన జీవో 641 ను రద్దు చేయాలి*
*రాజకీయాలకు అతీతంగా ప్రభుత్వం పై పోరాడేందుకు సమాయత్తం.*
*ఈ డంపింగ్ యార్డు ను వ్యతిరేకించే వారందరూ ఐక్య పోరాటాలకు సిద్ధం కావాలి.*
*సిద్ధాపూర్ డంపింగ్ యార్డ్ వ్యతిరేక జాయింట్ యాక్షన్ కమిటీ.*
నమస్తే భారత్ షాద్ నగర్ జులై21 :రంగారెడ్డి జిల్లా కొత్తూరు సిద్దాపూర్ గ్రామంలో తెలంగాణ రాష్ట్ర ప్రభుత్వం తీసుకొచ్చిన 641 జీవో ను రద్దు చేయాలని సిద్ధాపూర్ డంపింగ్ యార్డ్ వ్యతిరేక జాయింట్ యాక్షన్ కమిటీ డిమాండ్ చేసింది. తెలంగాణ రాష్ట్ర ప్రభుత్వం జూలై 02 వ తేదీ నాడు సిద్ధాపూర్ గ్రామంలో డంపింగ్ యార్డు ఏర్పాటు చేయటం కోసం 641 జీవో ను తీసుకువచ్చింది. దీనిని వ్యతిరేకిస్తూ…. ఇప్పటికే బిఆర్ఎస్ పార్టీ, కాంగ్రెస్, బీజేపీ పార్టీలు విడి విడిగా ఆందోళన కార్యక్రమాలు చేస్తూనే ఉన్నాయి.. ఇలా ఈ అంశంపై విడి విడిగా కాకుండా ఐక్య పోరాటం కొరకు లంబాడీ హక్కుల పోరాట సమితి ఆధ్వర్యంలో రౌండ్ టేబుల్ సమావేశం నిర్వహించి, అనంతరం అన్ని పార్టీలు , ప్రజా, కుల సంఘాలను కలుపుకుని ముందుకు వెళ్లాలని జరిగిన సమావేశంలో అందరి నిర్ణయం మేరకు ” సిద్ధాపూర్ డంపింగ్ యార్డు వ్యతిరేక పోరాట జాయింట్ యాక్షన్ కమిటీ” ని ఎన్నుకోవడం జరిగింది.. ఈ “సిద్ధాపూర్ డంపింగ్ యార్డు వ్యతిరేక పోరాట జాయింట్ యాక్షన్ కమిటీ” మొదటి సమావేశం మంగళవారం నాడు షాద్ నగర్ దేవి గ్రాండ్ హోటల్ నందు చైర్మన్ రాంబాల్ నాయక్ అధ్యక్షతన జరిగింది. ఈ సమావేశంలో కమిటీ లో చిన్న మార్పులు చేస్తూ తీర్మానం చేశారు. అనంతరం ఉద్యమాన్ని తీవ్రతరం చేయడం కోసం భవిష్యత్ కార్యాచరణ కోసం విస్తృతంగా చర్చించారు.. ముందుగా ఈ కమిటీ డంపింగ్ యార్డ్ వల్ల నష్ట పోతున్న గ్రామాలు మరియు మండలాల కమిటీలను ఏర్పాటు చేసుకుంటూ ప్రజలను ప్రత్యక్ష కార్యాచరణ కోసం సమాయత్తం చేయాలని తీర్మానం చేశారు. ఈ సందర్భంగా సెంట్రల్ కమిటీ చైర్మన్ రాంబాల్ నాయక్ మాట్లాడుతూ.ఒకప్పుడు పచ్చని పంట పొలాలతో, కూరగాయల సాగుతో హైదరాబాద్ మహానగరానికి అన్నం పెట్టిన ఆ పల్లె సీమలు నేడు విష వాయువుల కోరల్లో చిక్కుకుంటాయి అని, స్వచ్ఛమైన గాలి, మంచినీటితో ప్రశాంతంగా సాగుతున్న జనజీవనం అస్తవ్యస్తం అవుతుందన్నారు.. ఈ డంపింగ్ యార్డు వల్ల ఒక సిద్ధాపూర్ గ్రామమే కాదు చుట్టు పక్కల సుమారు 30 కిలో మీటర్ల మేర అన్ని ప్రాంతాలకు నష్టం వాటిల్లుతుందని అన్నారు. ఈ ప్రాంత అభివృద్ధికి తీరని అన్యాయం తప్ప ఉపయోగం లేదన్నారు. కనుక ప్రజలు ఐక్య పోరాటాలకు సిద్ధం కావాలని పిలుపు నిచ్చారు. ఈ సమావేశంలో సిద్ధాపూర్ డంపింగ్ యార్డు వ్యతిరేక పోరాట జాయింట్ యాక్షన్ కమిటీ *సలహా దారులు* వంగూరి గంగి రెడ్డి, అబ్దుల్ రబ్ జామి, *వర్కింగ్ చైర్మన్* దొడ్డి శ్రీనివాస్ (బీఎస్పీ), *కన్వీనర్* పినపాక ప్రభాకర్ (కార్మిక నేత), *కో ఆర్డినేటర్లు* తిరుమలయ్య (పౌర హక్కుల సంఘం), టీజీ శ్రీనివాస్ (టీయూ జేఏసీ), *కో-చైర్మన్లు* సత్యనారాయణ (బిఆర్ఎస్ ), మోహన్ సింగ్ (బీజేపీ) , బుద్దల జంగయ్య (సీపీఐ), ఈశ్వర్ నాయక్ (సిపిఎం), పెంటనోళ్ల నరసింహ (ఎమ్మార్పీఎస్), బొజ్జ శ్రీనివాస్ రెడ్డి (సిద్ధాపూర్) , బాలస్వామి (సిద్ధాపూర్) , రజిత (ఖాజా గూడ తండా) , *కో-కన్వీనర్లు* అర్జున్ప (టిపిఎఫ్) , రవీంద్రనాథ్ (పీఏసీ) , ప్రశాంత్, (బీసీ జన సేన), వి శ్రీకాంత్ (ఎస్ఎఫ్ఐ) , పవన్ (ఏఐఎస్ఎఫ్ఐ) , సత్యనారాయణ (పీపీ జాక్ ) , వర ప్రసాద్ (బీసీ సేన) , బిత్యా నాయక్ (ఎల్ఎచ్పిఎస్) , మరియు శ్రీధరా చారి (సిద్దాపూర్) తదితరులు పాల్గొన్నారు.
