కోరుకొండ పల్లి గ్రామంలో ఘనంగా కుంకుమార్చన పూజకార్యక్రమం
శ్రీ గణపతి నవరాత్రి ఉత్సవాల్లో భాగంగా స్వామివారికి ప్రత్యేక పూజలు
విగ్రహదాతగా గణనాథుని ప్రతిష్టించి ఉదారత చాటుకున్న సమ్మి గౌడ్
నమస్తే భారత్ :-కేసముద్రం
మహబూబాబాద్ జిల్లా కేసముద్రం మండల కేంద్రంలోని కోరుకొండపల్లి గ్రామంలో శ్రీ విఘ్నేశ ఉత్సవ కమిటీ ఆధ్వర్యంలో నిర్వహించిన శ్రీ గణపతి నవరాత్రి ఉత్సవాల్లో భాగంగా శ్రీ వినాయక స్వామివారి కుంకుమార్చన కార్యక్రమం అత్యంత భక్తిశ్రద్ధల నడుమ ఘనంగా జరిగింది. ఈ ఆధ్యాత్మిక కార్యక్రమంలో కాంగ్రెస్ పార్టీ మండల అధ్యక్షులు.సమ్మి గౌడ్ ముఖ్య అతిథిగా హాజరై స్వామివారిని దర్శించుకుని, ప్రత్యేక పూజలు నిర్వహించారు.
అనంతరం అర్చకుల వేదమంత్రోచ్ఛారణల నడుమ స్వామివారికి కుంకుమార్చన సేవను నిర్వహించి, తీర్థప్రసాదాలు స్వీకరించారు. ఈ మండపంలో ప్రతిష్టించిన గణనాథుని విగ్రహాన్ని కాంగ్రెస్ పార్టీ మండల అధ్యక్షులు సమ్మి గౌడ్ గారే విగ్రహదాతగా సమర్పించడం విశేషం. స్వామివారి ఆశీస్సులతో మండల ప్రజలందరూ ఆయురారోగ్యాలతో, సుఖసంతోషాలతో ఉండాలని ఈ సందర్భంగా ఆయన ఆకాంక్షించారు.ఈ కార్యక్రమంలో ఉత్సవ కమిటీ బాధ్యులు, కాంగ్రెస్ పార్టీ ముఖ్య నాయకులు, కార్యకర్తలు, గ్రామ ప్రముఖులు మరియు పెద్ద సంఖ్యలో మహిళా భక్తులు పాల్గొన్నారు.
