పుల్లూరు-3 అంగన్వాడీ కేంద్రంలో ఘనంగా పోషణ మాసం కార్యక్రమం
నమస్తే భారత్ :-డోర్నకల్
మహబూబాబాద్ జిల్లా డోర్నకల్ ప్రాజెక్టు పరిధిలోని పుల్లూరు సెక్టార్లో పోషణ మాసం సందర్భంగా పుల్లూరు-3 అంగన్వాడీ కేంద్రంలో శనివారం ఇసిసిఇ డే, తల్లులకు శ్రీమంతాలు, అక్షరాభ్యాసం, అన్నప్రాసన కార్యక్రమాలను ఘనంగా నిర్వహించారు.
ఈ సందర్భంగా చిన్నారుల ప్రాథమిక విద్యాభివృద్ధి, ఆరోగ్యం, పోషకాహారం తదితర అంశాలపై తల్లులకు అవగాహన కల్పించారు. ముఖ్యంగా శిశువు జననం నుంచి తొలి 1000 రోజుల ప్రణాళిక ప్రాధాన్యతను వివరించి, ఈ కాలంలో తల్లి, బిడ్డకు అందించాల్సిన పోషకాహారం, ఆరోగ్య సంరక్షణపై అవగాహన కల్పించారు.కార్యక్రమంలో సీడీపీఓ మేడం, సూపర్వైజర్, హెల్త్ సిబ్బంది, అంగన్వాడీ టీచర్లు, ఆయాలు, తల్లులు, చిన్నారులు తదితరులు పాల్గొన్నారు. కార్యక్రమంలో భాగంగా చిన్నారులకు అన్నప్రాసన, అక్షరాభ్యాసం నిర్వహించి, తల్లులకు శ్రీమంతాలు చేశారు.
