సాయి పూజ కాలనీలో సమస్యలపై క్షేత్రస్థాయిలో పరిశీలన

సాయి పూజ కాలనీలో సమస్యలపై క్షేత్రస్థాయిలో పరిశీలన

త్వరలోనే అన్ని సమస్యలకు శాశ్వత పరిష్కారం: తెలంగాణ స్టేట్ ప్రోటోకాల్ వైస్ చైర్మన్ బొంగునూరి కిషోర్ రెడ్డి
➤ 120వ డివిజన్ సాయి పూజ కాలనీలో మార్నింగ్ వాక్ సందర్భంగా పర్యటన

➤ కాలనీ వాసుల నుంచి నేరుగా సమస్యల స్వీకరణ

➤ సీసీ రోడ్లు, డ్రైనేజీలు, విద్యుత్, స్ట్రీట్‌లైట్లపై ప్రత్యేక దృష్టి

➤ సంబంధిత అధికారులతో సమన్వయం చేసి పనులు వేగవంతం చేస్తామన్న హామీ

➤ ప్రజలకు మెరుగైన మౌలిక వసతుల కల్పనే ప్రభుత్వ లక్ష్యమని వెల్లడి

➤ ప్రజల సహకారంతో కాలనీని ఆదర్శవంతంగా తీర్చిదిద్దుతామని వ్యాఖ్య

కుత్బుల్లాపూర్, ఆగస్టు 4 ( నమస్తే భరత్ ): కుత్బుల్లాపూర్ నియోజకవర్గ పరిధిలోని 120వ డివిజన్ సాయి పూజ కాలనీలో నెలకొన్న పలు సమస్యలను తెలంగాణ స్టేట్ ప్రోటోకాల్ వైస్ చైర్మన్ బొంగునూరి కిషోర్ రెడ్డి మంగళవారం ఉదయం మార్నింగ్ వాక్ సందర్భంగా స్థానికులతో కలిసి క్షేత్రస్థాయిలో పరిశీలించారు. ఈ సందర్భంగా కాలనీ వాసులు సీసీ రోడ్ల దుస్థితి, డ్రైనేజీ వ్యవస్థ సరిగా లేకపోవడం, విద్యుత్ సరఫరాలో అంతరాయాలు, స్ట్రీట్‌లైట్లు పనిచేయకపోవడం వంటి సమస్యలను ఆయన దృష్టికి తీసుకువచ్చారు. ప్రతి సమస్యను ఓర్పుగా విన్న కిషోర్ రెడ్డి సంబంధిత అధికారులతో సమన్వయం చేసి వీలైనంత త్వరగా పరిష్కరించేలా చర్యలు తీసుకుంటామని హామీ ఇచ్చారు. ప్రజలకు మెరుగైన మౌలిక వసతులు అందించడమే ప్రభుత్వ ప్రధాన లక్ష్యమని పేర్కొన్న ఆయన, కాలనీలో పెండింగ్‌లో ఉన్న అభివృద్ధి పనులను ప్రాధాన్యతా క్రమంలో పూర్తి చేయించేందుకు కృషి చేస్తామని తెలిపారు. ప్రజల సమస్యల పరిష్కారంలో ఎల్లప్పుడూ అందుబాటులో ఉంటానని, కాలనీ అభివృద్ధికి ప్రతి ఒక్కరి సహకారం అవసరమని ఆయన అన్నారు. ఈ కార్యక్రమంలో కాలనీ వాసులు, స్థానిక ప్రజాప్రతినిధులు, నాయకులు తదితరులు పాల్గొన్నారు.